香港新浪網 MySinaBlog
« 上一篇 | 下一篇 »
藍秋 | 6th Dec 2008 | BLOG TAG | (279 Reads)
中國人有句說話,真的講得很啱,就是「我敬你一呎、你敬我一丈」。早幾日我剛踢了街坊一腳,真想不到街坊咁快回敬番我這一腳。雖然屁股是有一點點痛,但我會好好記住這一腳背後的意思,就是無論是什麼,始終都會「有來有往」。而係玩緊這個 BLOG TAG 途中,忽然發覺小J又加多一腳踢埋嚟,睇嚟都要快快手手完成這個 BLOG TAG,免得自己的屁股繼續被人踢到開花。

BLOG TAG 遊戲如下:
請回答以下關於錢的問題,完成後邀請三至五位 Blog 友仔參加,順道去 Blog 友仔的 Blog 留言,告訴 Blog 友仔自己已被點名了。


1.你是個窮光蛋嗎?
咁請問點先算是個窮光蛋呢?印象中記得早前看過一段很難明的新聞,就是有報導說一位樂壇男歌手稱為窮光蛋,因為他住在村屋,因為他過平民化的生活。心想如果他是窮光蛋,我想很多人,甚至包括我在內,真係連窮光蛋都不如囉!


2.請形容下你這一生的財運。
財運?即是係唔係横財命呀!如果是,我想我一生應該都沒有什麼財運囉!因為我的另一個花名是:肥魚腩!


3.如果要用你的身家買一樣東西,你買得起什麼?
雖然錢是可以買到自己鍾意的東西,但始終買不回自己失去過的一切。


4.沒有提款卡情況下,你只有 HK$ 20,你會怎麼用?
睇下自己有沒有帶八達通係身,肚唔肚餓,口唔口渴,如果有八達通,唔肚餓,唔口渴,咪學街坊咁買一注六合彩囉,起碼買了 HK$ 5 仲有 HK$ 15係身。


5.咁你平時大概會帶多少 CASH?
不會太多,夠自己用就算。但如果同朋友出街應該會帶多少少既!


6.現在經濟咁,你會在那一方面減小消費?
唉... 現在咁既經濟環境,咩都要學得點樣「慳」,就正如某超市廣告的小妹妹口號:「慳得一蚊得一蚊」


7.你在誰身上花得最多??
我想應該是自己!


8.你是那種刷爆卡的人嗎?
好像未曾試過攞張卡去 "刷" 喎?如果真的要攞張卡去 "刷" 會點 "爆" 架?


9.有什麼東西會讓你毫不猶豫買下來?
每當去釣魚時,會毫不猶豫買下最得食的魚餌。


10.最後,講講你對錢的價值觀/錢對你的重要性。
俗語有云:「錢不是萬能,但沒錢就萬萬不能!」我想沒有人會不認同這個說法。雖然我們不是百萬未開頭的人,但亦都不應該視金錢如身外物,始終手停就口停,總要積極工作才可以得到金錢。或許細心想一下,金錢雖可以滿足生活,但亦都總會有些不需要金錢的方法,亦能可以帶來自己歡樂!


掂晒!等我想下今次踢邊五位藍朋好友先!就踢踢踢踢踢以下五位啦!
地下天文台長的工作室 一個平凡的女人一個平凡的媽媽孕育了兩個平凡的女兒卻妄想能有一個不平凡的人生 該是你的不論怎樣到最後仍是你的, 不該是你的不論怎樣到最後仍會離你而去...... 堅強的小羊爸爸 喜歡煮, 喜歡食的肥貓, 好高興同大家在此分享美食的七大特點 (色-香-味-形-質-養-器)


[1]

釣魚對哥哥來說真是很重要。

Oasis
[引用] | 作者 Oasis | 6th Dec 2008 | [舉報垃圾留言]

[2]

嘩~~~哥哥踢我......搞到我個patpat好痛啊 emotion

 

emotion我總會有機會還的 emotion


[引用] | 作者 雪晴 | 6th Dec 2008 | [舉報垃圾留言]

[3] Re: Oasis
Oasis : 釣魚對哥哥來說真是很重要。
咁條題目係咁問我咪係咁答囉!emotion

藍秋哥哥
[引用] | 作者 藍秋哥哥 | 6th Dec 2008 | [舉報垃圾留言]

[4] Re: 雪晴
雪晴 : 嘩~~~哥哥踢我......搞到我個patpat好痛啊 emotion

 

emotion我總會有機會還的 emotion


哈哈!因為哥哥已經好似好耐冇踢雪妹妹喇!emotion

好呀!咁到時雪妹妹記住要踢番大力一點喎!emotion

藍秋哥哥
[引用] | 作者 藍秋哥哥 | 6th Dec 2008 | [舉報垃圾留言]

[5]

7.我都係花係自己身上既最多~

小丁
[引用] | 作者 小丁 | 6th Dec 2008 | [舉報垃圾留言]

[6] Re: 小丁
小丁 : 7.我都係花係自己身上既最多~
我想除了做人爸爸媽媽或特別例子之外,多數都應該是花在自己身上最多!

藍秋哥哥
[引用] | 作者 藍秋哥哥 | 6th Dec 2008 | [舉報垃圾留言]

[7]

我見到米奇咪豪不猶豫地買啊 !


[引用] | 作者 wingwing | 6th Dec 2008 | [舉報垃圾留言]

[8]

有拖冇欠,過二天得閑就接。


[引用] | 作者 小羊的爸爸 | 6th Dec 2008 | [舉報垃圾留言]

[9]

吓,身上冇乜錢都仲要去買六合彩~~~真服了你呢=.=


[引用] | 作者 瀅瀅媽媽 | 6th Dec 2008 | [舉報垃圾留言]

[10]

哈哈,幾時約出來打牌呀?

小靜
[引用] | 作者 小靜 | 6th Dec 2008 | [舉報垃圾留言]

[11] Re: 藍秋哥哥
藍秋哥哥 : 雪晴 : 嘩~~~哥哥踢我......搞到我個patpat好痛啊  我總會有機會還的 哈哈!因為哥哥已經好似好耐冇踢雪妹妹喇!好呀!咁到時雪妹妹記住要踢番大力一點喎!
接了!!!


[引用] | 作者 雪晴 | 7th Dec 2008 | [舉報垃圾留言]

[12] Re: wingwing
wingwing : 我見到米奇咪豪不猶豫地買啊 !
這個當然啦!因為妹妹是米奇既超級無敵忠實Fans嘛~

藍秋哥哥
[引用] | 作者 藍秋哥哥 | 7th Dec 2008 | [舉報垃圾留言]

[13] Re: 小羊的爸爸
小羊的爸爸 : 有拖冇欠,過二天得閑就接。
慢慢呀!羊爸爸唔使急架!得閒先玩呀!

藍秋哥哥
[引用] | 作者 藍秋哥哥 | 7th Dec 2008 | [舉報垃圾留言]

[14] Re: 瀅瀅媽媽
瀅瀅媽媽 : 吓,身上冇乜錢都仲要去買六合彩~~~真服了你呢=.=
嘻嘻!買個希望嘛~:041:

藍秋哥哥
[引用] | 作者 藍秋哥哥 | 7th Dec 2008 | [舉報垃圾留言]

[15] Re: 小靜
小靜 : 哈哈,幾時約出來打牌呀?
哈哈!有機既!有機既!:055:

藍秋哥哥
[引用] | 作者 藍秋哥哥 | 7th Dec 2008 | [舉報垃圾留言]

[16] Re: 雪晴
雪晴 :接了!!!
收到!一陣去睇睇先~:044:

藍秋哥哥
[引用] | 作者 藍秋哥哥 | 7th Dec 2008 | [舉報垃圾留言]

[17]

哥哥, 你同KY都蝦加菲, 早上讚哥哥好人沒踢加菲, 即送來一腳..emotion, 雖然是咁, 都好多謝哥哥整的加菲標誌, 好靚. THANK.

 


[引用] | 作者 為食加菲 | 9th Dec 2008 | [舉報垃圾留言]

[18] Re: 為食加菲
為食加菲 : 哥哥, 你同KY都蝦加菲, 早上讚哥哥好人沒踢加菲, 即送來一腳..emotion, 雖然是咁, 都好多謝哥哥整的加菲標誌, 好靚. THANK. 
傻啦!哥哥又捨得蝦加菲呢!只是哥哥喜歡玩Blogtag,所以想邀請埋加菲一齊玩!
謝謝加菲喜歡這個藍朋好友的加菲標誌!

藍秋哥哥
[引用] | 作者 藍秋哥哥 | 9th Dec 2008 | [舉報垃圾留言]